KESTYON MOUN POZE SOUVAN

Knight Arts Challenge la se yon apèl a kominote a okonplè pou pwojè ki ede fè zòn Sid Florid la rasanble gras a atizay.

Nan lane 2015, Knight Foundation lan deside pwolonje Knight Arts Challenge jiska lane 2018.

Challenge la reprezante yon pati nan 122 milyonn dola Knight Foundation lan genyen envesti nan kominote kiltirèl lokal la depi lane 2005, ki enkli fon pou gwo enstitisyon, ti òganizasyon ak pwojè de baz.

Kilè aplikasyon yo ap kòmanse?

Miami challenge la ap ouvè le 4 Avril 2016.

Kilè dat limit la pou ou soumèt yon aplikasyon?

Dat limit la se a 11è 59PM le 2 Me 2016.

Kisa règleman yo ye?

Genyen 3 règ: 1) Pwojè a dwe sou atizay; 2) Li dwe pran plas nan, oswa benefisye rejyon Sid Eta Florid la; 3) Ou jwenn fon adisyonèl pou ou matche sibvansyon Knight Foundation lan.

Èske se sèl òganizasyon san bi likratif ak enstitisyon edikasyonèl ki kapab aplike?

Challenge la ouvè a òganizasyon san bi likratif, konpayi ak moun. An konklizyon, nenpòt moun kapab aplike.

Èske ou oblije sitwayen Ameriken pou ou aplike?

Non. Konkou sa a ouvè a aplikan ki soti nan tout peyi.

Èske ou dwe gen 18 an minimum pou ou kapab aplike?

Non, men si yon minè ta genyen, prim nan pral jwenn paran timoun nan oswa gadyen legal li. Yon don ta kapab akòde a yon òganizasyon tou ki aksepte travay avèk timoun anba 18 an sa frè.

Èske mwen oswa òganizasyon mwen an dwe baze nan rejyon Sid Eta Florida la?

Ou elijib si pwogram oswa pwojè a ap pran plase nan konte Miami-Dade oswa Broward, ou ankò si li pran plas andeyò Miami men li benefisye atizay nan Miami. Nou konsantre sou de konte sa yo. Sepandan, nou ouvè a bèl ide ki soti tout kote nan konte tankou Miami-Dade, Broward, Monroe ak Palm Beach.

Ki diferans ki genyen ant yon apliksyon e yon “Pwopozisyon Konplè?”

Aplikasyon an ba nou yon rezime ki genyen ase enfòmasyon pou konprann ide ou a. Si nou chwazi li kòm finalis, nou pral envite ou pou ou ekri yon pwopozisyon ak pi plis detay.

Konbyen apliksayon mwen ka soumèt?

Pa gen limit. Chak apliksayon dwe soumèt pou yon pwojè diferan.

Kisa nou konsidere kòm ATIZAY?

Bèl kestyon. Gen plizyè definisyon, mè nou renmen sa a: Itilizasyon konsyan de yon talan avèk imajinasyon kreyatif. Nou pa-p’ chèche pwojè sosyal ki sèvi ak atizay pou akonpli bi yo. Nou ap chèche pwojè ki fè efò pou kreye bon kalite atizay nan kominote nou an.

Kijan mwen kapab genyen yon avantaj nan aplikasyon pa mwen an?

Nou ankouraje inovasyon. Nou konsidere tou si aplikan an genyen ase konesans pou li akonpli pwojè a. Sepandan, ou menm oswa gwoup ou kapab bezwen yon bourad avèk èd pou ede ou rive la. Aplike kamenm; se kapab pi bon moman pou bourad sa a bay. An konklizyon pi bon “avantaj” la vini avèk yon trè bon ide pou Atizay.

Kijan pou mwen konnen si pwopozisyon mwen an matche avèk ide ou a sou atizay avèk inovasyon?

Teste li. Sa pran sèlman 20 minit pou ou prezante ide ou a.

Kisa yon “challenge grant?” ye

Challenge grant lan se yon sibvansyon ki la pou rale lòt moun nan finansman yon pwojè. Nou ap fè anpil efò, men nou envite lòt moun pou patisipe. Se pou sa nou mande pou pwojè yo jwenn lòt sous finansman pou match ak pa nou an, yon fwa sibvansyon an akòde.

Kisa ou antann pa “jwenn lòt finansman pou matche” don fondasyon an?

Konsèp la senp anpil: si pwojè a ap koute 10 mil dola pou li fèt, fòk ou jwenn omwen 5 mil dola yon lòt kote. (Sa a se sèlman yon egzanp ki pou demontre kòman ou ka matche fon yo. Pa gen yon montan ki predetèmine pou maksimòm kontribisyon ki soti nan fondasyon an.)

Èske fon ki matche se kapab pwòp lajan mwen oswa lajan ki deja la ki soti nan òganizasyon mwen an?

Non. Nou ap chèche nouvo fon pou atizay. Sa vle di oud we fè lòt moun mete lajan yo menm jan avèk nou. Jeneralman, sèlman kontribisyon an kach ki soti nan nouvo sous nan òganizasyon pa ou a oswa pwojè ou a kapab konte anvè matchin lan.

A ki moman matchin fon an dwe fèt?

Ou gen apeprè 1 an de lè ou resevwa don an pou ou matche fon nou an. Si li se yon pwojè ki etale li sou plizyè lane, ou ap gen 1 an pou ou matche montan pou chak ane a.

Èske matchin lan se toujou 1 dola pou chak dola ?

Jeneralman wi. Anba sèten sikonstans trè ra (e jeneralman pou gwoup ki piti) nou kapab konsidere matche a yon pi gwo nivo. Men jan an tou, nou kapab bezwen yon pi gwo kontribisyon ki soti deyò pou chak dola nou mete si òganizasyon ou a deja ap jwi de sipò finansye ki enpòtan.

Èske nou ap finanse yon òganizasyon a bi likratif, e pa sèlman sa ki a bi non likratif yo ak endividyèl?

Wi, si yon konpayi genyen yon ide transfòmasyonèl pou amelyore kondisyon kominote a pa atizay.

Kiyès ki ap revize aplikasyon mwen yo?

Anplwaye Knight yo, avèk èd ekspè endepandan yo. An konklizyon, desizyon final la rete nan men Konsèy Administrasyon Knight Foundation lan.

Kilè Y’ap anonse gayan yo?

An ivè 2016

Kilè map jwenn yon repons ak desizyon sou aplikasyon nou yo?

Yo pral kontakte ou pa imèl pandan ete a avèk swa yon aplikasyon pou ou soumèt yon pwopozisyon konplè, oswa avèk on desizyon pou refize aplikasyon ou a.

Si pwopozisyon mwen an pa aksepte, èske m’ap kapab konnen poukisa?

Akoz de kantite aplikasyon nou resevwa, chak nan yo pa resevwa kòmantè endividyèl de moun ki ap revize yo. Kidonk, nou pa kapab pataje avèk ou ki rezon egzak ki fè pwojè ou a jwenn refi.

Kiyès pou mwen kontakte si mwen gen kestyon ?

Voye kestyon ou yo bay [email protected]

040516rga