Download: Knight Arts St. Paul FAQ in Hmong.PDF

COV NQE LUS NQUAG NUG (FAQ)

Txoj Haujlwm Knight Arts Challenge St. Paul yog ib txoj haujlwm sib tw kob nyiaj pab txhawb rau cov haujlwm nyob thoob hauv lub nroog uas yuav ua haujlwm thiab pab txhawb kom lub nroog muaj txuj ci ub no ntau yam zoo.

Yuav qhib thov tau rau thaum twg?

Txoj haujlwm sib tw ntawm St. Paul yuav qhib rau lub Plaub Hlis 4, 2016.

Hnub kawg pub xa daim ntawv thov mus yog hnub twg?

11:59 teev yav tsaus ntuj raws lub sijhawm Sab Hnub Tuaj thaum hnub

Monday lub Tsib Hlis 2, 2016.

Qhov kev sib tw ntawm Knight Arts Challenges ua haujlwm licas?

Thaum lub Ib Hlis 2014, Knight Foundation tau tshaj tawm txog qhov kev sib tw Knight Arts Challenge St. Paul yog raug nyiaj ntau txog $4.5 lab daus las rau hauv lub sijhawm peb lub xyoos rau cov haujlwm txuj ci ntawm ib cheeb

tsam los ntawm kev sib tw nyob thoob lub nroog. Qhov kev pab txhawb no yog raug muab los ntawm kob nyiaj pab dawb rau qhov kev sib tw, cov neeg sib tw yeej yuav tsum pab kom tau raws li kob nyiaj pab ntawm Knight. Lawv kuaj yuav tsum ua raws li peb txoj cai (saib hauv qab no).

Cov cai no yog dab tsi?

Muaj peb txoj cai: 1) Yuav tsum yog txoj haujlwm ntsig txog txuj ci; 2) Nws yuav tsum nyob hauv lossis muaj txiaj ntsig rau hauv St. Paul; 3) Koj yuav tau nrhiav kob nyiaj los phim lis kob nyiaj pab dawb ntawm Knight Foundation.

Tsuas yog cov chaw haujlwm pab neeg txom nyem lossis cov chaw qhia ntawv thiaj thov tau xwb puas yog?

Qhov kev sib tw no qhib rau cov chaw haujlwm tsis vam nyiaj paj, cov tuam txhab haujlwm thiab cov neeg txhua tus. Ib tug neeg twg los tuaj yeem thov tau.

Koj puas yuav tsum yog neeg xam xaj Meskas thiaj thov tau?

Tsis yog, Qhov kev sib tw no qhib rau txhua haiv neeg.

Koj puas yuav tsum muaj hnub nyoog tsawg kawg 18 xyoo thiaj thov tau?

Tsis yog, tab sis yog ib tug menyuam yaus yeej qhov kev sib tw, cov nyiaj yeej yuav raug them rau nws niam losyog nws txiv lossis tus neeg saib xyuas raug cai. Kob nyiaj pab dawb no kuj pab mus rau ib lub chaw ua haujlwm uas pom zoo ua haujlwm pab dawb rau cov neeg muaj hnub nyoog qis dua 18 xyoo.

Kuv lossis kuv lub chaw ua haujlwm puas yuav tsum nyob hauv St. Paul?

Koj muaj cai tau txais kev pab yog qhov kev pab txhawb lossis txoj haujlwm no muaj nyob hauv rau Lub Nroog Ramsey. Txawm licas losxij, peb tos txais cov tswv yim los ntawm txhua qhov txhia chaw nyob hauv Minnesota los kuj tau txais txiaj ntsig rau hauv St. Paul.

Daim ntawv thov thiab ib “daim ntawv thov txhij txhua” sib txawv licas?

Daim ntawv thov tsuas qhia peb cov ntsiab lus tseem ceeb kom nkag siab txog koj lub tswv yim xwb. Yog peb xaiv nws yog ib qho sib tw zaum kawg, peb yuav caw kom koj sau daim ntawv thov txhij txhua.

Kuv tuaj yeem xa daim ntawv thov tau ntau npaum licas?

Qhov no yeej tsis muaj kev txwv. Txhua daim ntawv thov yuav tsum thov rau ib txoj haujlwm sib txawv.

TXUJ CI raug txiav txim tias yog feem dab tsi?

Yog nqe lus nug zoo. Muaj ntau lub ntsiab lus, tab sis peb nyiam qhov no dua: Kev paub siv txuj ci thiab kev xav zoo. Peb yuav tsis tshawb nrhiav txog cov haujlwm saib xyuas rau sawd daws uas siv feem txuj ci kom tau raws li lawv lub homphiaj. Peb tsuas tshawb nrhiav cov haujlwm uas mob tsim yam zoo, cov txuj ci zoo nyob hauv peb lub nroog.

Kuv yuav ua licas kuv daim ntawv thov thiaj muaj laj thawj zoo dua?

Txais tos lub tswv yim zoo. Peb kuj saib xyuas seb tus neeg thov puas paub tias yuav ua txoj haujlwm tiav licas. Qhov ntawd hais tias, yog koj lossis koj pawg neeg xav tau kev pab txog tej yam uas ua yuam kev thiab xav tau kev pab licas thiaj ua mus txog xav tau. Kav tsij ua mus thiab sau daim ntawv thov; tej zaum yuav yog lub sijhawm zoo rau qhov kev pab txhawb ntawd. Thaum kawg, qhov “muaj laj thawj” zoo tshaj plaws yog yuav tsum muaj lub tswv yim ntsig txog feem txuj ci zoo tiag tiag.

Kuv yuav paub licas tias kuv daim ntawv thov phim rau koj lub tswv yim txuj ci lossis lub tswv yim tshiab?

Sim ua. Nws tsuas siv lub sijhawm 20 feeb qhia txog koj lub tswv yim xwb.

“Kev sib tw kob nyiaj pab dawb” yog dab tsi?

Kev sib tw kob nyiaj pab dawb yog ib kob nyiaj pab dawb uas ua rau sawd daws tau los sib koom ua ke rau txoj haujlwm. Peb tab tom yuav tau kob nyiaj pab, tab sis peb thov caw lwm tus neeg tuaj koom nrog. Qhov no yog vim ntawd peb thiaj thov kom cov haujlwm no nrhiav lwm kob nyiaj kom npaum li peb kob nyiaj, kiag thaum muab nyiaj pab dawb.

“Kev nrhiav lwm kob nyiaj kom npaum li” kob nyiaj pab los ntawm lub koom haum, qhov no koj ntaus nqi licas?

Lub ntsiab lus nkag siab tau yooj yim li no: yog txoj haujlwm no raug nyiaj tag nrho $10,000, ces koj yuav tsum nrhiav kom tau ib kob nyiaj los sab nrauv los tsawg kawg $5,000. (Qhov no tsuas yog ib qho ua piv txwv uas qhia txog kob nyiaj sib pab los ntawm ob tog yuav ua haujlwm licas. Tsis muaj kev hais ua ntej txog kev muab nyiaj pab ntaus kawg nkaus los ntawm lub koom haum.)

Kob nyiaj sib pab kom sib npaum puas yog kuv tus kheej cov nyiaj lossis cov nyiaj qub los ntawm kuv lub chaw haujlwm?

Tsis yog, Peb tab tom nrhiav kob nyiaj tshiab rau cov haujlwm txuj ci no. Qhov ntawd txhais tau tias koj yuav tsum muaj lwm kob nyiaj kom npaum li peb kob nyiaj. Ib txwm yeej yog cov nyiaj muab los ntawm cov chaw tshiab

rau koj lub chaw haujlwm lossis txoj haujlwm uas yuav siv ua kob nyiaj sib pab kom sib npaug.

Nyob rau kis twg thiaj li yuav tsum muaj kob nyiaj sib pab kom sib npaug?

Koj muaj lub sijhawm thaj tsam li ib lub xyoos txij hnub kom txais kob nyiaj pab dawb los nrhiav ib kob nyiaj kom sib npaug kob nyiaj no. Yog nws yog ib txoj haujlwm uas siv ntau lub xyoo, txhua xyoo koj yuav tsum nrhiav kom tau ib kob nyiaj sib npaug raws li kob nyiaj ntawm lub xyoo ntawd.

Nws puas yog $1 toj $1?

Yog, Nyob rau kis uas tsis tshua muaj teebmeem (thiab feem ntau yog pawg neeg tsawg) peb yuav txiav txim kob nyiaj pab sib npaug rau ntawm feem thawj coj siab dua. Ib yam nkaus, tej zaum peb yuav hais kom muab cov nyiaj sab nrauv los them ntau dua toj txhua kis nyiaj daus las uas peb tau muab tso ntxiv rau yog koj lub chaw haujlwm yeej txaus siab rau kob nyiaj pab txhawb no lawm.

Koj puas pab nyiaj rau ib lub tuam txhab ua haujlwm, uas tsis yog yuav pab nyiaj rau cov chaw haujlwm tsis vam nyiaj paj lossis cov neeg xwb?

Yog, yog ib lub tuam txhab muaj ib lub tswv yim zoo los pab tsim kho feem txuj ci hauv lub nroog.

Leej twg yuav saib xyuas kuv qhov tso npe nkag mus?

Cov neeg ua haujlwm ntawm Knight nrog rau kev pab dawb los ntawm cov kws txuj ci ywj pheej. Thaum kawg, kev txiav txim siab thaum kawg yog nce raws li pawg kws saib xyuas Lub Koom Haum Knight Foundation.

Yuav tshaj tawm cov neeg yeej qhov kev sib tw rau thaum twg?

Lub Caij Nplooj Ntoos Zeeg xyoo 2016.

Peb yuav paub qhov kev txiav txim siab txog peb daim ntawv thov sai npaum licas?

Peb yuav xa email tuaj qhia rau nej kom tsis pub dhau lub Xya Hli 14, 2016 nrog rau ib daim ntawv caw hais kom xa daim ntawv thov txhij txhua mus lossis nrog rau daim ntawv tsis kam lees koj daim ntawv thov.

Yog kuv daim ntawv thov raug tsis kam lees, kuv yuav paub tias yog vim licas?

Vim peb tau txais cov ntaub ntawv thov ntau heev, ib tug ntawm cov neeg no tsis tau txais cov lus taw qhia los ntawm cov kws saib xyuas. Xws li, peb tsis tuaj yeem muab lub laj thawj tsis kam lees qhia rau koj tau.

Yog kuv muaj lus nug kuv yuav hu rau leej twg?

Xa nqe lus nug mus rau [email protected].

04042016rga